«Saylov–2021: Kelajaging uchun ovoz ber!» TARG‘IBOT POEZDI NAVOIY DAVLAT KONCHILIK INSTITUTI NUKUS FILIALIDA

Oliy va o‘rta maxsus ta’lim vazirligi tashabbusi bilan «Saylov–2021: Kelajaging uchun ovoz ber!» shiori ostida tashkil etilgan «Targ‘ibot poezdi» loyihasi a’zolaridan iborat jamoa Navoiy davlat konchilik instituti Nukus filialiga yetib keldi.
Oliygohning majlislar zalida bo‘lib o‘tgan uchrashuvda targ‘ibotchilar va yosh saylovchilar o‘rtasida ochiq muloqot tashkil qilindi.
Tadbirni Navoiy davlat konchilik instituti Nukus filiali Yoshlar masalalari va ma’naviy-ma’rifiy ishlari bo‘yicha direktor o‘rinbosari K.Yusupov olib bordi. Muloqot davomida saylov qonunchiligi, unga kiritilgan o‘zgarishlar, siyosiy tadbirning mazmun-mohiyati xususida so‘z bordi.
Savol javoblar, qiziqarli bahs-munozara shaklida bo‘lib o‘tgan ochiq muloqotda talaba yoshlarning muhim siyosiy tadbirlarimizdan biri saylov to‘g‘risidagi bilimlari yana bir bor sinovdan o‘tkazildi.

Filial Matbuot xizmati.

ESLATMA‼️

Xorijiy oliy ta’lim muassasalaridan talabalar o‘qishini respublika oliygohlariga ko‘chirish …

📝O‘zbekiston Respublikasi Prezidentining 2021-yil 22-iyundagi (PQ-5157-son) qaroriga (https://lex.uz/docs/-5472291) muvofiq (2021-yil 15-iyuldan boshlab) xorijiy oliy ta’lim muassasalaridan respublika oliygohlariga talabalar o‘qishini ko‘chirish quyidagi tartib asosida amalga oshirildi:

☑️talabalar o‘qishini xorijiy mamlakatlarda faoliyat yuritayotgan (shu jumladan, xalqaro tan olingan reytinglarda birinchi 1 000 ta o‘rindan birini egallagan) oliy ta’lim tashkilotlaridan O‘zbekiston Respublikasi davlat oliy ta’lim muassasalarining mos va turdosh ta’lim yo‘nalishlariga ko‘chirishda:

➖ talabadan alohida iqtidor talab etiladigan ta’lim yo‘nalishlari bo‘yicha kasbiy (ijodiy) imtihonlar, boshqa ta’lim yo‘nalishlari bo‘yicha test sinovlari o‘tkazildi. Bunda, kasbiy (ijodiy) imtihonlar tegishli oliy ta’lim muassasasi tomonidan, test sinovlari Davlat test markazi tomonidan o‘tkazildi;

➖test sinovlari va kasbiy (ijodiy) imtihonlar bo‘yicha o‘tish ballari Oliy va o‘rta maxsus ta’lim vazirligi hamda tizimida oliy ta’lim muassasalari bo‘lgan vazirlik va idoralar tomonidan belgilanadi hamda ommaviy axborot vositalarida e’lon qilindi;

➖o‘tish balidan past ball to‘plagan talabalar bakalavriatga qabul qilishdagi tartibga muvofiq tabaqalashtirilgan to‘lov-kontrakt asosida o‘qishga qabul qilindi;

➖test sinovlari va kasbiy (ijodiy) imtihonlar natijalari Davlat test markazi hamda oliy ta’lim muassasalarining rasmiy veb-saytlarida e’lon qilindi;

☑️ talabalar o‘qishini xorijiy mamlakatlarda faoliyat yuritayotgan oliy ta’lim tashkilotlaridan O‘zbekiston Respublikasi davlat oliy ta’lim muassasalarining mos va turdosh bo‘lmagan ta’lim yo‘nalishlariga ko‘chirishga ruxsat etilmadi.

ХАЛҚАРО ҲАМКОРЛИК ЖАДАЛ РИВОЖЛАНМОҚДА

Ҳозирги глобаллашув шароитида олий маълумотга эга, илғор ахборот технологиялари билан қуролланган етук кадрларни тайёрлаш мамлакатимизни ижтимоий-сиёсий ва иқтисодий салоҳиятини оширишга хизмат қилиши шубҳасиз.

Ҳаммамизга аёнки, Президентимиз Ш.М.Мирзиёев томонидан сўнгги йилларда фан ва таълим тизимининг ривожланишига алоҳида эътибор қаратилиб, бу соҳага тегишли бир қанча низом ва қарорлар қабул қилинди. Айниқса, фан ва таълим соҳасида ривожланган давлатлар билан ҳамкорлик қилиш, улар билан тажриба алмашиш бу соҳанинг янада ривожланишига асос бўлди.

Ўзбекистоннинг шу каби муносабатлари Россия Федерацияси билан яхши йўлга қўйилган. Икки мамлакат ўртасидаги ўзаро дўстлик ва ҳамкорлик муносабатлари барча соҳаларда, шу жумладан таълим соҳасида ҳам янги босқичларга кўтарилмоқда.

Навоий давлат кончилик институти Нукус филиали Россиянинг Ульяновск давлат техника университети ўртасида ҳамкорлик шарномаси имзоланди.

Учрашувда филиал директори А.Каипбергенов ва Ульяновск давлат техника университети Халқаро институтининг директори П.Пазушкинлар олий таълим муассасалариаро ҳамкорлик истиқболлари, илмий-инновацион ўзаро алоқа тизимини янада такомиллаштириш тўғрисида жонли мулоқот ўтказишиб, ҳамкорлик шартномасини имзолашди. Шунингдек, ОТМлараро ҳамкорлик истиқболи хусусида фикр алмашиб, аниқ дастур асосида тегишли мутахассисликлар бўйича академик алмашинув, магистратура, докторантура, профессор-ўқитувчилар тажриба алмашинуви, ҳамкорликда илмий-амалий анжуманлар ташкил қилиш юзасидан ўзаро келишиб олинди.

Филиал Матбуот хизмати.

 “GIYOHVANDLIK – ASR VABOSI, UNDAN YOSHLARIMIZNI ASRAYLIK!” MAVZUSIDAGI TARG‘IBOT TADBIRI

Joriy yilning 12-oktabr kuni Navoiy davlat konchilik instituti Nukus filialida “Yoshlar orasida giyohvandlik vositalarining tarqalishiga qarshi kurashish”, “Giyohvandlik – asr vabosi, undan yoshlarimizni asraylik!” mavzularida targʼibot tadbirlari tashkil etildi.

Tadbirni Navoiy davlat konchilik instituti Nukus filiali Yoshlar masalalari va ma’naviy-ma’rifiy ishlari bo‘yicha direktor o‘rinbosari K.Yusupov olib bordi.

Tadbirda Oʼzbekiston Respublikasi Vazirlar Mahkamasi huzuridagi Narkotik moddalarni nazorat qilish milliy axborot-tahlil markazi boʼlim boshligʼi M.Uteniyazov, Oʼzbekiston Respublikasi IIV Jinoyat qidiruv bosh boshqarmasi bo‘lim boshlig‘i A.Matlyubov, Oʼzbekiston Respublikasi IIV Jinoyat qidiruv bosh boshqarmasi xodimi F.Azgarov, Oʼzbekiston Respublikasi IIV Jinoyat qidiruv bosh boshqarmasi xodimi Sh.Juraev, Qoraqalpog‘iston Respublikasi IIV Jinoyat qidiruv bosh boshqarmasi boshlig‘i o‘rinbosari N.Adilbekov, Respublika ixtososlashtirilgan narkalogiya ilmiy markazi Qoraqalpog‘iston Respublikasi filiali inspektori N.Dauletmuratova, Qoraqalpog‘iston Respublikasi musulmonlar Qaziyati vakili A.Jolaushievlar so’zga chiqib, insoniyat oʼz aqli, mehnati, bilim va iqtidori bilan yangidan-yangi choʼqqilarni zabt etayotganligi, ayni paytda dunyoda xalqlar, millatlar kelajagiga tahdid solayotgan xatarlardan biri — giyohvandlik illatining uchrashiga ham insoniyatning oʼzi sababchi boʼlayotgani gʼoyat achinarli hol ekanligini taʼkidladi.

Birlashgan Millatlar Tashkilotining maʼlumotlariga koʼra, dunyoda 27 milliondan ortiq odam giyohvandlik dardiga yoʼliqqan. Uning aksariyat qismini 30 yoshgacha boʼlganlar tashkil etadi. Buning oqibatida har yili 200 mingdan ortiq kishi hayotdan koʼz yumadi. Eng achinarlisi, giyohvandlik ogʼir va oʼta ogʼir jinoyatlarning sodir etilishiga, oilalar va millat genofondining buzilishiga sabab boʼlayotganligin ta’kidlab talaba-yoshlarni sog‘lom turmush tarziga amal qilib yashashga, sport bilan doimiy shug‘illanishga chorlab qoldi.

Targʼibot kechasi davomida talaba-yoshlar oʼzlarining qiziqtirgan savollariga tegishli javoblar olishdi.

Filial Matbuot xizmati.

ИҚТИДОРЛИ ТАЛАБАЛАР БИЛАН УЧРАШУВ

Филиалнинг Иқтидорли талабалар илмий тадқиқот фаолиятини ташкиллаштириш бўлими томонидан Навоий давлат кончилик институти кончилик иши кафедраси доценти ва Иқтидорли талабалар илмий тадқиқотлар фаолиятини ташкиллаштириш бўлими бошлиғи Муборак  Норматова филиал аълочи ва иқтидорли талабаларига иқтидорли талабалар ва илмий тадқиқот ишлари бўйича семинар тренинг ташкиллаштирилди.

Доцент М.Норматова талабаларга техника бўйича ОТМ таъсис этилган давлат степендиялари, уларга қўйиладиган талаблар ҳақида маълумот бериб ўтди. Беруний, И.Каримов, Президент степендияларига филиал талабалари номзод бўлишга катта имкониятлари борлиги алоҳида эътироф этиб ўтди.

Бундан ташкари, Навоий давлат кончилик институтида ташкиллаштирилган илмий ишлар фаолияти, ўқиш жараёни, қўшма дастурлар ва магистратура, докторантура ҳакида айтиб ўтди. Талабаларга илмий рахбарлари билан илмий мақола, тезислар ёзиб ва конференцияларда ўз мақола, тезислари билан мунтазам иштирок этишлари ва диплом ва сертификатлар соҳиблари бўлишса, чет тилларини мукаммал эгаллашса давлат степендиантлари бўлишга катта имкониятлар яратилиши ва бу дегани магистратурага грант асосида ўқишга киришга ва чет эл давлатларида ўқишларини давом эттиришга имконият яратишларини эътироф этди.

Семинар якунида Илмий ишлар ва инновациялар бўйича директор ўринбосари К.Джаксымуратов доцент М.Норматовага миннатдорчилик билдириб ўтди ва филиал томонидан «Ташаккурнома» такдим этди.  Талабалар билимини ошириш ва узаро ҳамкорлик ишларида амалий ёрдамлари учун миннатдорчилик билдирди.

Г.Мырзатаева,

Иқтидорли талабаларнинг илмий тадқиқот фаолиятини ташкиллаштириш бўлими муҳандиси.

DIQQAT ESLATMA! TALABALAR, SHOSHILING!!!

Koronavirus infeksiyasiga qarshi emlangan (vaksina olgan) BARCHA talabalarga 10 foiz chegirma berilmoqda

Respublika maxsus komissiyasining qaroriga koʻra, respublikamizdagi oliygohlarda tahsil olayotgan hamda 2021-yil 1-noyabrga qadar koronavirus infeksiyasiga qarshi vaksina olgan talabalarga 2021/2022-oʻquv yili uchun belgilangan stipendiya qo‘shilmagan bazaviy toʻlov-shartnoma summasiga bir martalik 10 foiz chegirma (bonus) belgilangan edi.

(https://t.me/eduuz/5996)Hozirda yurtimizda faoliyat ko‘rsatayotgan BARCHA davlat va nodavlat oliy ta’lim muassasalarida tahsil olayotgan va koronavirusga qarshi vaksina olgan talabalarga bir martalik 10 foizli chegirma bonusi berilmoqda.

Vaksinani to‘liq olishga ulgurmagan talabalar SHOSHILING!!! Chunki 1-noyabrga ham sanoqli kunlar qolmoqda.

Eslatib o‘tamiz, imtiyoz 1-noyabrga qadar vaksina olgan quyidagi talabalarga taalluqli:

– bakalavriaturaning barcha bosqich talabalariga;
– magistratura (kilinik ordinatura)ning barcha bosqich talabalariga;
– kunduzgi, sirtqi va kechki ta’lim shakllarida (https://t.me/eduuz/6323) o‘qiyotgan talabalarga;
– joriy o‘quv yilida oʻqishini koʻchirib, super kontrakt asosida (https://t.me/eduuz/6327) o‘qish istagini bildirgan talabalarga;
– joriy o‘quv yilida bakalavriaturada super kontrakt asosida (https://t.me/eduuz/6327) o‘qish istagini bildirgan talabalarga;

Ko’rib turganingizdek, BARCHA toifadagi talabalar imtiyoz bilan qamrab olingan!

Aziz talabalar, vaksinani to‘liq oling va toʻlov-shartnoma miqdoringizga 10 foizli chegirmaga ega bo’ling!

Zero, emlanish bugun xastalikka qarshi eng muhim choradir!

ОЧИҚ ДАРС ТАШКИЛ ЭТИЛДИ

Жорий йилнинг 8 октябрь куни Навоий давлат кончилик институти Нукус филиалида 2Б-20 КИ гуруҳи талабалари учун очиқ дарс ташкил этилди.

«Ағдармаларни ҳосил қилиш жараёни тўғрисида умумий маълумотлар» мавзусидаги мазкур дарсни Навоий давлат кончилик институти кончилик иши кафедраси доценти М.Норматова олиб борди.

Дарс ўтилиши давомида талабаларга иннавацион усуллардан фойдаланган ҳолда билим бериш, уларни мавзу доирасида эркин фикрлашга ўргатиш, тасаввур ва тафаккурларини ривожлантиришга катта эътибор қаратилди.

Тадбир сўнгида филиал раҳбарияти томонидан доцент М.Норматовага «Ташаккурнома» тақдим этилди.

Филиал Матбуот хизмати.

Oliy va oʻrta maxsus ta’lim vaziri Abduqodir Toshqulov:

— Germaniya xalqaro hamkorlik (GIZ) jamiyati bilan yurtimizda oliy va professional ta’lim tizimini rivojlantirish, uni qoʻllab-quvvatlash borasida bir necha yillardan beri muvaffaqiyatli hamkorlik qilib kelayotganligimizni yuqori baholaymiz. GIZ bilan professional ta’lim tizimini qoʻllab-quvvatlash borasida 7 mln yevrolik yangi loyihani hamkorlikda amalga oshirayotganimiz professional ta’limdagi islohotlarimizni yanada kuchaytirish imkoniyatini beradi.

Vazirlikda GIZning Oʻzbekistondagi vakolatxonasi rahbari Yorg Pudelka va loyiha rahbarlari bilan uchrashuv boʻlib oʻtdi.

Uchrashuvda hamkorlik natijasida qiymati 17 mln yevroga teng xalqaro loyihalar olib borilayotgani, imzolangan bitimlar va erishilgan kelishuvlarni amalga oshirish yuzasidan yangi hamkorlik yoʻnalishlar belgilanayotgani ta’kidlandi.

Budjeti 10 mln yevro miqdoridagi loyihaning keyingi 5 fazasiga start berildi.

Uchrashuv soʻngida ikki tomonlama hamkorlik bitimi imzolandi.

МАЪНАВИЙ ТАРҒИБОТ ВА МАҲОРАТ ДАРСЛАРИ ЎТКАЗИЛДИ

Бугунги кунда мамлакатимизда таълим тизимини комплекс ривожлантириш, малакали кадрлар тайёрлаш мақсадларига катта куч ва маблағлар йўналтирилмоқда. Мактабгача таълим, мактаб ва олий таълим тизимлари, илмий-тадқиқот муассасалари фаолиятида сифат ўзгаришлари рўй бермоқда.

Айниқса, ўқитувчи-устозлар нуфузини ошириш, жойларда сифатли таълим учун зарур шарт-шароитларни яратиш ва ҳар бир ҳудудда ихтисослашган мактаблар тармоғини кенгайтиришга алоҳида эътибор қаратилмоқда.

Жорий йилнинг 7 октябрь куни Ўзбекистон Республикаси Президенти Ш.Мирзиёев раҳбарлигида 2020 йил 30 октябрь куни ўтказилган видеоселектор йиғилишининг 86-сонли баёни қарори ижросини таъминлаш мақсадида Навоий давлат кончилик институти Нукус филиалига оталиққа бириктирилган Кегейли туманидаги 24-сонли умумтаълим мактабида “Янги Ўзбекистон – мактаб остонасидан, таълим-тарбия тизимидан бошланади” тамойили асосида тарғибот-ташвиқот ишлари ва филиал профессор-ўқитувчилари томонидан “Маҳорат дарс”лари ташкил этилди.

Тарғибот тадбирларида филиалнинг Табиий ва умукасбий фанлар кафедраси катта ўқитувчиси С.Гаппаров, ассистент-ўқитувчи Қ.Узақовалар сўзга чиқиб, филиал ҳақида батафсил маълумотлар бериб ўтди. Шунингдек, филиал профессор-ўқитувчилари томонидан мактабнинг битирувчи синф ўқувчилари учун «Биз, албатта талаба бўламиз!» шиори остида маҳорат дарслари ўтказилди.

Филиал Матбуот хизмати.

ТАРҒИБОТ ТАДБИРИ ЎТКАЗИЛДИ

Мамлакатимиз муҳим сиёсий жараён арафасида, яъни 24 октябрь куни Ўзбекистон Республикаси Президенти сайлови бўлиб ўтади. Бугунги кунда аҳоли ўртасида, айниқса ёшлар ўртасида сайлов қонунчилиги, сайлов жараёни ҳақида маълумотлар бериш мақсадида тарғибот тадбирлари ўтказилмоқда.

Шундай тадбирларнинг бири жорий йилнинг 7 октябрь куни Навоий давлат кончилик институти Нукус филиалида бўлиб ўтди. Тадбирни филиалнинг Ёшлар масалалари ва маънавий-маърифий ишлар бўйича директор ўринбосари Қ.Юсупов олиб борди. Унда республикамиздаги барча сиёсий партияларнинг масъул ходимлари иштирок этишиб, ўзларининг сайловолди дастурлари билан таништириб ўтдилар.

Тадбирда сўзга чиққанлар сайлов натижалари Ўзбекистон келажаги, юртимизда бошланган кенг кўламли ислоҳотларнинг давомийлигини таъминлашга бевосита дахлдор эканлигини таъкидлаб, барчани сайловда фаол иштирок этиб, ўзларининг конституциявий бурчларини бажаришга даъват этди.

Ҳақиқатдан ҳам демократия кўзгуси ҳисобланган бу сиёсий жараённи юқори савияда, қонунчилик талаблари ва халқаро стандартлар талаби даражасида ташкил этиш ҳамда фуқароларнинг сайловда фаол иштирокини таъминлаш муҳим вазифа эканлиги таъкидланди.

Филиал Матбуот хизмати.