Navoiy davlat konchilik instituti Nukus filiali O'quv-uslubiy bo'limi inspektori


KARAMOV ALISHER NAZARBAEVICH





  • Telefon: +998 (61) 224-85-61


  • Faks: +998 (61) 224-04-43


  • Email: alisherkaramov27@gmail.com
  • Mámleketimizde ǵárezsizlik jıllarınıń dáslepki kúnlerinen baslap, Prezidentimiz tárepinen bilimlendiriw tarawına kúshli itibar qaratılıp kelinbekte. Bul itibar nátiyjesinde búgingi kúnge shekem student-jaslarımızdıń jáhán standartlarına tolıq juwap beretuǵın bilim alıwı, kasip-óner iyelewi, watanǵa muhabbat ruwxında tárbiyalanıwı  professor -oqıtıwshılarımızdıń sapalı bilim beriwi, óz mamanlıǵın úzliksiz asırıp barıwı ushın barlıq múmkinshilikler jaratılǵan. Bul «Tálim haqqında»ǵı nızam, «Kadrlar tayarlaw milliy baǵdarlaması»nıń sapasın asırıwdıń ayqın úlgisi bolıp esaplanadı. Sonıń menen birge, Prezidentimizdiń bilimlendiriw tarawınıń rawajlanıwı ushın úlken áhmiyet qaratıp kiyatırǵanı «Joqarı oqıw orınlarınıń materiallıq-texnikalıq bazasın bekkemlew, hámde joqarı maman kadrlar tayarlaw sapasın jáne de asırıw haqqında»ǵı 1533-sanlı, «Shet tillerin úyreniw sistemasın jáne de rawajlandırıw haqqında»ǵı 1875-sanlı qararları, «Joqarı maman ilimiy hám ilimiy pedogog kadrlardı tayarlaw hám olardı attestatsiyadan ótkeriw sistemasın jáne de jetilistiriw haqqında»ǵı 4456 -sanlı pármanı, Ministrler Kábinetiniń «Respublika joqarı oqıw orınları reytińgin anıqlaw sistemasın jetilistiriw haqqında»ǵı 371-sanlı qararı bilimlendiriw tarawında iskerlik júrgiziwshi hár bir qániyge ushın jánede úlken juwapkershilikli wazıypalardı júkleydi. Mámleketimiz tálim sistemasında óz ornına iye bolǵan Nawayı mámleketlik kánshilik institutı Nókis filialı jámááti de bul juwapkershilikli wazıypalardı tereń ańlap jetedi.

     Házirgi kúnde filialımızda 1 kafedra bolıp, 4 bakalavr tálim baǵdarı boyınsha studentlerge 24 professor-oqıtıwshılar tálim berip kelmekte. Oqıtıwshılarımız quramında 1 ilim doktorı, 6 ilim kandidati hám dotsen, 2 úlken oqıtıwshı, 15 assistent oqıtıwshı miynet etpekte.

     Filialdıń 2 úlken auditroiyalarına videoproektorlar ornatılǵan bolıp, professor-oqıtıwshılarımız lekciya sabaqların zamanagóy pedogogikalıq texnologiyalar járdeminde oqıtıw sharayatları jaratılǵan. Sonıń menen birge, 6 oqıw xanasında videobaqlaw kameraları ornatılǵan.

     Házirgi kúnde filialdıń oqıw-metodikalıq bóliminde 1 inspektorı, 1 is-jurgiziwshi islep atır.

    Oqıw-metodikalıq bólimi oqıw jumısları boyınsha direktor orınbasarı basshılıǵında kafedralar menen birgelikte tómendegi islerdi ámelge asıradı:

    • Oqıw procesine tiyisli joqarı shólkemlerdiń qarar hám kórsetpeleri, ministrlik qararları, buyrıq, kórsetpeleriniń atqarılıwın támiyinlew;
    • Mámleketlik tálim standartı talaplarına say  isshi oqıw baǵdarlamaları, islep shıǵarıw talapları esapqa alınıp, islep shıǵılǵan bakalavr tálim baǵdarı qániygelikleri ushın oqıw jobalarınıń tastıyıqlanıwın tayarlaw ;
    • Bakalavr tálim baǵdarı qániygelikleri ushın olardıń oqıw jobalarına uyqas pánlerge isshi oqıw baǵdarlamaların islep shıǵıp, tastıyıqlawǵa tayarlaw ;
    • Ulıwma institut oqıw júklemesi hám studentler kontingentin esapqa alǵan halda kafedralar shtat birligin anıqlaw, hám de normativ hújjetlerge uyqas professor -oqıtıwshılar quramın jumısqa alıwdı usınıs etiw ;
    • Mámleket attestatsiya komissiyaları basshıların ministrlik tárepinen tastıyıqlaw ushın talabanlar usınıs etiw ;
    • Mámleket attestatsiya komissiyaları quramın dúziwge usınıs etiw hámde olar iskerligin qadaǵalaw etip barıw ;
    • Mámleket bilimlendiriw standartına uyqas oqıw jobalarındaǵı bloklar boyınsha studentlerge sabaqlıqlar, oqıw qollanbalar hám taǵı basqa ádebiyatlar menen támiyinlewdi úyrenip shıǵıw ;
    • Oqıw rejesindegi pánlerden tolıq oqıw-metodikalıq kompleksler menen támiyinleniwin, olardıń jańalanıp barıwına ;
    • Studentler bilimin bahalaw reyting sisteması boyınsha isleniei, olar jazba jumıs túrin qáliplestiriwdiń hámde qaǵıydaǵa uyqas júritiliwinı qadaǵalaw hám monıtorıń etip barıw ;
    • Professor -oqıtıwshılardıń qániygeligi hám ilimiy dárejesin asırıp barıwdıń jıllıq hám kalendar jumıs jobaların islep shıǵıw ;
    • Ilimiy keńeske jańa kafedralar, fakul’tetler, qániygelikler ashıw boyınsha materiallar tayarlaw ;
    • Kafedralardıń jańa oqıw jılına tayarlıǵın úyreniw hám bunnan basqa tiyisli islerdi júrgizedi.

     Ayrıqsha atap ótiw kerek, búgingi kúnde mámleketimiz tárepinen ámelge asırılıp atırǵan keń kólemli reformalar jaslardıń tereń bilim alıwı, kásip-óner sırların jáne de tereńirek úyreniwi ushın jetkilikli sharayatlar menen támiyinlewge qaratılǵan. Sonday eken, jaslar ózleri ushın jaratılǵan múmkinshiliklerden paydalanǵan halda, olardıń bilim hám kónlikpelerin qáliplestiriw menen bir qatarda watanımız gúlleniwi ushın jáne de kóbirek úles qosıwımız kerek.