“ЭРАСМУС+” БАҒДАРЛАМАСЫ ҲАҚҚЫНДА СЕМИНАР ШӨЛКЕМЛЕСТИРИЛДИ

Бүгин Наўайы мәмлекетлик кәншилик институты Нөкис филиалында Zoom программасы арқалы семинар шөлкемлестирилди.

Онлайн илажды филиалдың Оқыў ҳәм тәрбиялық ислер бойынша директор орынбасары Д.Жумамуратов басқарып барды.

Онда Бердақ атынрдағы Қарақалпақ мәмлекетлик университети журналистика кафедрасының доценти, Эрасмус+ бағдарламасының Өзбекстандағы координаторы Б.Палўанов филиал профессор-оқытыўшылары хәм зийрек студентлери ушын “Эрасмус+” бағдарламасы шеңбериндеги проектлер хәм грантларды жеңип алыў ҳәм де оның усыллары ҳаққында кең түрде түсиниклер берип өтти.

Ҳақыйқатында да, “Эрасмус+” бағдарламасы жоқары билимлендириўде үлкен имканиятларды береди. Дүньяның раўажланған мәмлекетлериниң топ университетлерине барып тәжирийбе арттырыў, илимниң соңгы жаңалықлары менен танысыўды қәлеўши профессор-оқытыўшылар ҳәм студент-жаслар семинар даўамында өзлерин қызықтырған сораўларына тараў қәнигесинен жуўаплар алды.

Филиал Баспасөз хызмети.

НМПИ СТУДЕНТЛЕРИ ФИЛИАЛЫМЫЗДА

Усы жылдың 3-май күни Әжинияз атындағы НМПИ 1-курс география-экономика бакалавр талим бағдары студентлери Наўайы мәмлекетлик кәншилик институты Нөкис филиалы менен танысыў мақсетинде филиалымызда болды.

Пән оқытыўшысы А.Искендеровтиң басшылығында келген НМПИ студентлерине филиалымыздағы Тәбийый ҳәм улыўма кәсиплик пәнлер кафедрасының баслығы, геология-минерология илимлериниң кандидадты, доцент К.Джаксымуратов үлкемиздиң пайдалы қазылма байлықлары бойынша шеберлик сабағын өтти.

Сондай-ақ, химия пәни оқытыўшысы Н.Нажимова тәрепинен лабораториялық тәжирийбе жумысларын көрсетип, студентлерге химия тараўы бойынша кең мағлыўматлар берилди.

Илажға филиал профессор-оқытыўшылары ҳәм студент-жаслар қатнасты.

Филиал Баспасөз хызмети.

ПӘРМАН ҲӘМ ОНЫҢ МӘНИСИ

Елимиз басшысы тәрепинен алып барылып атырған мәмлекетлик сиясаттыӊ тийкарғы буўыны мәмлекетимиз келешеги болған жасларға байланыслы болып, усы жылға «Жасларды қоллап-қуўатлаў ҳәм халық саламатлығын беккемлеў жылы» деп ат бериўи жаслар мәселесине жәнеде тереӊирек дыққат аўдарыў кереклигин белгилеп берди.

Усы жылдыӊ 20-апрель күни Өзбекстан Республикасы Президенти тәрепинен қабыл етилген «Жаслардыӊ исбилерменлик искерлигин қоллап-қуўатлаў ҳәм бәндлигине көмеклесиў, оларды социаллық қорғаў ҳәмде бос ўақтын мазмунлы шөлкемлестириўге байланыслы қосымша ис-иләжлер ҳаққында»ғы ПФ-6208-санлы Пәрманы жасларымыз арасындағы машқалаларға шешим болды.

Пәрманда 2021-жыл 1-майдан баслап жатақхана менен қамтып алынбаған ҳәм өзине, ата-анасы (нызамлы ўәкиллери)на тийисли болмаған үйде ижара ҳуқықы тийкарында жасайтуғын мәмлекетлик жоқары оқыў орынлары студентлериниӊ 60 пайызына олар тәрепинен төленетуғын айлық ижара төлеминиӊ 50 пайызы Мәмлекетлик бюджети есабынан қаплап берилиўи нәзерде тутылған. Бунда, ижара төлеминиӊ қаплап берилетуғын бөлеги Ташкент қаласында базалық есаплаў муғдарыныӊ 1 есеси, қалған аймақларда базалық есаплаў муғдарныӊ ярымынан аспаўы керек, сондай-ақ, ижара төлеминиӊ қаплап берилетуғын бөлеги биринши нәўбетте мүтәж шаӊарақ перзентлерине, өрнек көрсеткен ҳәм белсенди студентлер ушын берилиўи көрсетилген. Жоқары оқыў орынлары тәрепинен олардыӊ бюджеттен тысқары қаржылары есабынан ижара ҳуқықы тийкарында жасайтуғын басқа студентлерге де айлық ижара төлеминиӊ бир бөлеги қаплап берилиўи мүмкинлиги белгиленген. Сондай-ақ, 2021-жыл 1-июнь күнинен баслап мәмлекетлик жоқары оқыў орынларына 10ға шекем мәҳәлле пуқаралар жыйынлары бириктирилиўи ҳәм оларда жасайтуғын жәмлеспеген жаслардыӊ руўҳый дүньяға көз қарасын қәлиплестириў, сол қатары, оларды шет тиллер, компьютер саўатханлығы, спорт, мәденият ҳәм китапханлық дөгереклерине қатнастырыў шаралары көрилиўи белгиленген.

Буннан тысқары, 2023-жыл 1-январьға шекем жумыс бериўшилер (бюджет шөлкемлери, мәмлекетлик кәрханалары, устав қорында мәмлекетлик үлеси 50 пайыз ҳәм оннан артық болған юридикалық шахслардан тысқары) олар тәрепинен 25 жастан аспаған хызметкерлер ушын төленген социаллық салық суммасы Мәмлекетлик бюджеттен жас хыземкерлер алты ай даўамында үзликсиз мийнет искерлигин әмелге асырыўы шәрти менен жетинши айдан баслап толық қайтарып берилиўи белгиленген. Сондай-ақ, «Жаслар дәптери»не киргизилген жасларға исбилерменлик искерлигин баслап ҳәм өзин өзи бәнт қылыўға зәрүр болған әсбап-үскенелер ҳәм мийнет қуралларын сатып алыў ушын базалық есаплаў муғдарыныӊ 40 есесинен көп болмаған муғдарда «Жаслар дәптери» қоры есабынан субсидия ажыратылыўы белгиленген.

Әлбетте елимиз жасларына жаратылып атырған бундай имканиятлардан жасларымыз үнемли пайдаланған ҳалда мәмлекетимиз раўажланыўы ушын өзлериниӊ мүнәсип үлеслерин қосыўы сөзсиз.

 

З.АМЕТОВА,

Наўайы мәмлекетлик кәншилик
институты Нөкис филиалы юрисконсульти

Спорт

#Спорт

#Бес_мың_қәдем

Филиалымыз Ҳаял-қызлар профессор-оқытыўшылары ҳәм хызметкерлери арасында дене тәрбиясы ҳәм спортты кең ен жайдырыў, оларды физикалық белсендилик пенен шуғылланыўларын қолап қуўатлаў мақсетинде «Саламат турмыс ушын 5000 қәдем» сүрени астында спорт илажы шөлкемлестирилди.

Илажға филиалымыздың барлық ҳаял-қызлары белсене қатнасты.

Таза қала #Жаслар_басламасы

2021-жыл 17-апрель күни Наўайы мәмлекетлик кәншилик институты Нөкис филиалының студент- жаслары «Таза қала» жойбарында республикамыздың барлық жаслары қатарында өзлериниң белсендилигин көрсетти.

Баслама – жасап атырған аймағымызға тазалық ҳәм гөззалық инәм етиўши, абаданластырыў жойбары.

Филиалымыз жойбар жуўмағында “Акцияда белсендилик көрсеткенлиги ушын” номинациясының жеңимпазы болды.

KIYINIW MÁDENIYATI – MÁDENIYATLILIQ ÚLGISI

Kiyiniw mádeniyatı-insannıń sırtqı kórinisi, ishki dúnyası, estetikası, minez-hulqın, talǵamın ashıp beredi. Kiyiniw mádeniyatına bolǵan kóz-qaras insannıń gózzallıq, náziklik, ádep-ikramlılıq kóz qarasların sáwlelendiriwshi xızmetti de atqaradı.

Sonı ayrıqsha aytıp ótiw kerek búgingi globallasıw processinde kiyimler hám kiyiniwge bolǵan itibar hám de talap ózgerip barmaqta.

Jaslardıń, ásirese, student-qızlardıń moda izinen quwıwı, jańadan shıqqan tar, ashıq, kelte kiyimlerdi moda dep esaplap, bul túrdegi kiyimler, álbette, kiyiliwi kerek dep oylawı haqıyqat bolıp esaplanadı. Bul kiyimlerdiń biziń mentalitetimizge say emesligi haqqında oylap ta otırmaydı. Tiykarında kiyiniw mádeniyatı bızıń mádeniyatımızdıń ajıralmas bólegi bolıp esaplanadı.

Kópshilik jaslarımız evropa usılında kiyinbewdi zamannan artta qalıw dep esaplaydı. Bul pikirdıń natuwrı ekenligin túsındırıw maqsetinde Nawayı mámleketlik kánshilik institutı Nókis fililalı student-qızlarına kiyiniw mádeniyatı temasında seminar shólkemlestirildi.

Bul seminardan gózlengen maqset – student-qızlarǵa kiyiniw mádeniyatı haqqında keńirek túsinik beriw, sonıń menen birge kiyimniń insan salamatliǵına baylanıslı táreplerin aytıp ótiw bolıp esaplanadı.

Seminar dawamında filial psixologi tárepinen shólkemlestirilgen psixologiyalıq trening de kiyiniw mádeniyatı menen baylanıslılıǵı menen ajıralıp turdı.

G.Dawletnazarova.

Ғалабалық абаданластырыў ҳәм көклемзарластырыў акциясы

Өзбекстан Республикасы Президенти Ш.Мирзиёевтиң Олий Мажлиске жоллаған Мүрәжатында белгиленген ўазыйпалардың орынланыўын тәмийинлеў, сондай-ақ, халықтың, әсиресе жаслардың экологиялық мәдениятын арттырыў, қоршаған орталыққа болған итибарын күшейтиў, ана тәбиятты келешек әўлад ушын сақлаў, экологиялық жағдайды жақсылаў ҳәм жүз берип атырған унамсыз тәсирдиң алдын алыў  илажлары көрилмекте.

Атап айтқанда, өткен шемби күни Нөкис қаласында «Жаңа Өзбекстанда еркин ҳәм абат жасайық!»  сүрени астында «Таза қала» жойбары шеңберинде ғалабалық абаданластырыў ҳәм көклемзарластырыў акциясы болып өтти. Бул баслама Өзбекстан жаслар ислери агентлиги Қарақалпақстан Республикасы басқармасы тәрепинен қоллап-қуўатланды.

Нөкис қаласындағы «Жаслар орайы» имаратының алдында жаслар басламасының салтанатлы ашылыў мәресими болды. Онда Қарақалпақстан Республикасы Министрлер Кеңесиниң Баслығы Қ.Сариев, Өзбекстан Республикасы Олий Мажлиси Сенатының Аралбойы регионын раўажландырыў мәселелери комитетиниң баслығы Б.Алиханов ҳәм басқалар шығып сөйлеп, жасларымыздың бул басламасының әҳмийетине тоқтап өтти ҳәм оларға әўмет тиледи.

Илажда Нөкис қаласын таза аймақ ҳәм жасыл белбеўли қалаға айландырыў, жаслардың санасында экологиялық мәдениятты арттырыў, елимизде әмелге асырылып атырған жәмийетлик-сиясий өзгерислерде жаслардың қатнасын арттырыў ҳәм оларда Ўатанды сүйиўшилик сезимлерин жетилистириў мақсетинде Өзбекстан жаслар ислери агентлиги Қарақалпақстан Республикасы басқармасы тәрепинен ислеп шығылған  www.ncity.uz сайты арқалы абаданластырылыўы зәрүр болған 61 аймақ картаға жайластырылды. Илаж алдынан белсенди 300 ден зыят жастан ибарат «Кеўилли жаслар» отряды шөлкемлестирилип, белгиленген аймақларда халықтың арасында үгит-нәсият жумысларын алып барды.

Жойбарда қатнасыўшы министрликлер, кәрхана ҳәм шөлкемлердиң ўәкиллери, оқыў орынлары жасларының қатнасында өзлерине бириктирилген аймақларда абаданластырыў ҳәм көклемзарластырыў жумыслары әмелге асырылды. Соның ишинде, Қарақалпақстан Республикасы бажыхана басқармасы тәрепинен бағыўшысынан айырылған шаңарақларға үй жумысларында жәрдем берилген болса, Арқа-батыс әскерий округи әскерлери тәрепинен «Шорша баба», «Салмен ата» қойымшылықлары абаданластырылды.

Илаж шеңберинде «Эко патруль» акциясы шөлкемлестирилип,  «Жаслар орайы» әтирапында «Каръера» жас кадрларды таярлаў клубының ағзалары  тәрепинен гүллер бағын жаратыў ислери алып барылды. Буннан тысқары, 9 «Кеўилли патронаж жаслар» отряды тәрепинен «Ветеранлар ҳүрметимизде» жойбары бойынша урыс ҳәм мийнет ветеранлары, бағыўшысынан айырылған, майыплығы болған, жалғыз баслы пуқаралар медициналық тексериўден өткерилди. «Пидайы жаслар» тәрепинен усындай 21 пуқараның үй жумысларына жәрдем берилип, олар жасап атырған турақ жайларының әтирапы абаданластырылды. Сондай-ақ, жәрдемге мүтәж шаңарақларға азық-аўқат өнимлери, дәри-дәрмақ тапсырылды. Үлкемизге келип атырған қуслардың көбейиўи менен бир топар жаслар тәрепинен «Қусларға ғамқорлық етемиз» сүрени менен уялар жасалып, тереклерге қыстырып шығылды.

-Илажда жасларымыз өзлериниң басламасы менен қатнасып, Нөкис қаласының тазалығына үлесин қосып атыр,-дейди Өзбекстан жаслар ислери агентлиги Бозатаў районлық бөлиминиң баслығы Нызаматдин Төремуратов. –Келешекте районымызда да усындай жойбарды өткериўди режелестирип отырмыз.

Жасларымыздың басламасы менен әмелге асырылған илаж даўамында 4250 түп мийўе, 18260 түп саяманлы терек ҳәм мыңға шамалас гүл нәли егилди. Нөкис қаласынан 225 тонна шығынды алып тасланды. Усы күни мийнет еткен 20 мыңға жақын, соның ишинде жаслар халқымызға тән мийрим-шәпәәт, кеңпейиллик ҳәм жақсылық пазыйлетлериниң үлгисин көрсетти. Келеси усындай илаж Тақыятас қаласында болып өтеди.

И.В.Савицкий атындағы Қарақалпақ мәмлекетлик көркем өнер музейи алдындағы майданда «Таза қала» жойбарында белсене қатнасқанларды сыйлықлаў мәресими болды. Онда  Қарақалпақстан Республикасы Жоқарғы Кеңесиниң Баслығы М.Камалов, Қарақалпақстан Республикасы Министрлер Кеңесиниң Баслығы Қ.Сариев қатнасып, жасларды қайырлы басламалары менен қутлықлады. «Ең белсенди пуқаралар жыйыны», «Ең белсенди жаслар отряды», «Ең жақсы баслама», «Ең белсенди мәкеме» ҳәм басқа да бир қатар номинациялар бойынша жеңимпазлар анықланып, шөлкемлестириўшилер тәрепинен диплом ҳәм естелик саўғалары менен сыйлықланды.

Илаж көркем өнер шеберлериниң гала концерти менен жуўмақланды.

 

Д.АБИБУЛЛАЕВ,

Қарақалпақстан хабар агентлигиниң шолыўшысы

Taza qala

2021 жыл 17-апрель. Наўайы мәмлектлик кәншилик институты Нөкис филиалының хызметкерлери де «Таза қала» жойбарында өзлериниң белсендилигин көрсетти.

Баслама – жасап атырған аймағымызға тазалық ҳәм гөззалық инәм етиўши, абаданластырыў жойбары.

Филиал хызметкерлери Дослық каналы бойында абаданластырыў жумысларын алып барды.

Taza qala

2021 жыл 17-апрель. Наўайы мәмлектлик кәншилик институты Нөкис филиалының студент- жаслары «Таза қала» жойбарында республикамыздың барлық жаслары қатарында өзлериниң белсендилигин көрсетпекте.

Баслама – жасап атырған аймағымызға тазалық ҳәм гөззалық инәм етиўши, абаданластырыў жойбары.

Филиал студентлери Нөкис қаласындағы абаданластырылыўы тийис болған «Дослық гүзары» ҳәм «Темир жол» мәкән пуқаралар жыйыны аймағында абаданластырыў жумысларын алып бармақта…

ШЕЪРИЯТ КЕЧАСИ БЎЛИБ ЎТДИ

Мамлакатимизда Ўзбекистон Қаҳрамони, Ўзбекистон халқ шоири, атоқли жамоат арбоби Абдулла Орипов таваллудининг 80 йиллигига боғишланган тадбирлар давом этмоқда. Хусусан, Навоий давлат кончилик институти Нукус филиалида 2021 йил – “Ёшларни қўллаб-қувватлаш ва аҳолининг соғлиғини мустаҳкамлаш йили” доирасида ташкил этилган тадбирда ноёб истеъдод соҳиби таваллудига бағишлаб “Абдулла Орипов издошлари” мавзусида маънавий-маърифий тадбир бўлиб ўтди.
Шунингдек, Навоий кон-металлургия комбинати ҳомийлигида нашр эттирилган “Кенгликлар сурури” китоби тақдимоти ҳам ўтказилди.

  

НДКИ Ахборот хизмати.