Nawayı mámleketlik kánshilik institutı Nókis filialı Nawayı mámleketlik kánshilik institutı Nókis filialı Bilim sapasın qadaǵalaw bólimi baslıǵı


TLEUMURATOV SARSENBAY JAKSIMURATOVICH





  • Telefon: +998 (61) 224-85-64


  • Faks: +998 (61) 224-04-43


  • Email: sarsenbay-2011@mail.ru
  • Ózbekstan Respublikasınıń «Bilimlendiriw haqqında»ǵı hám «Kadrlar tayarlaw milliy baǵdarlaması haqqında»ǵı nızamları hám de Ózbekstan Respublikası Prezidentiniń «Joqarı bilimlendiriw sistemasın jáne de rawajlandırıw ilajları haqqında» 2017-jıl 20 -apreldegi PQ-2909 -san qararı talapları tiykarında bilim sapasın sociallıq-ekonomikalıq tarawlarda alıp barılıp atırǵan reformalar talaplarına muwapıq joqarı dárejege kóteriw, sonıń menen birge úzliksiz tálim sistemasında bilim sapasın qadaǵalawdı jáne de jetilistiriw, kadrlar tayarlaw sapası hám oqıw procesi natiyjeliliginiń durıs bahalanıwın qadaǵalaw salasında mámleket siyasatın ámelge asırıw maqsetinde ” Ózbekstan Respublikası ministrler Kabineti janındaǵı bilim sapasın qadaǵalaw Mámleketlik inspeksiyasi iskerligin shólkemlestiriw haqqında” Ózbekstan Respublikası ministrler Kabinetiniń 2017-jıl 18-iyuldagi 515-sanlı Qararı qabıllandı.

      Bul qararlar atqarılıwın támiyinlew maqsetinde Nawayı mámleketlik kánshilik institutı Nókis filialında bilim sapasın qadaǵalaw bólimi dúzildi.

     Filial bilim sapasın qadaǵalaw basqarıw sistemasınıń ajıralmaytuǵın bólegi esaplanıp, onıń tiykarǵı waziypası bilim sapasın mámleketlik tálim standartları talaplarına muwapıqlıǵın támiyinlew hám filialdaǵı oqıw processleriniń natiyjeliligin asırıw maqsetinde qadaǵalawdı shólkemlestiriw boyınsha maqsetli hám kelisim ilajlardı ámelge asırıwdan ibarat.

    Bólimdiń tiykarǵı wazıypaları hám funksiyaları:

    – tálim baǵdarları hám qánigeliklerdiń mámleketlik bilimlendiriw  standartları (MBS), ilmiy tájriybe talapları, oqıw rejeleri hám pán baǵdarlamaları menen támiyinlengenligin analiz etiw hám olardı ekspertiza qılıw ;

    – bilimlendiriw procesi sapasın, onıń oqıw ádebiyatları hám oqıw – metodikalıq materiallar menen támiyinlengenlik dárejesin úyreniw;

    – studentleri bilimleriniń MBS na muwapıqlıǵın úyrenip barıw, analiz qılıw ;

    – bilim sapasın asırıwǵa qaratılǵan normativlik-huqıqıy hújjetler atqarılıwın támiyinlew;

    – kadrlar tayarlaw sapası monıtoringin júrgiziw;

    – ishki attestatsiyadan ótkeriwdi shólkemlestiriw, nátiyjeleri boyınsha bilim sapasına unamsız tásir etiwshi faktorlardı anıqlaw, maǵlıwmatlardı filial direktorına hám de Mámleketlik inspektsiyasına usınıw;

    – attestatsiya, bilim sapasın úyreniw menen baylanıslı processlerde anıqlanǵan kemshilikler hám kemshiliklerdi waqıtında saplastırıwdı qadaǵalaw ;

    – bilim sapasın belgileytuǵın kórsetkishlerdiń jaǵdayın analizlew hám anıqlanǵan máseleler hám kemshilikler tiykarınan tiyisli strukturalıq quramlarǵa usınıslar beriw;

    – bilim sapasın asırıw maqsetinde professor -oqıtıwshılardıń mamanlıǵın asırıw processinde zamanagóy usıllar hám usıllardan paydalanıw natiyjeliligin analizlew;

    – professor -oqıtıwshıları tayanısh maǵlıwmatlarınıń tiyisli sabaq beretuǵın pán (ler) ine sáykesligin analiz qılıw yamasa olardıń tiyisli qayta tayarlawdan ótkenligin yamasa uyqas qánigelik boyınsha ilimiy ataq, dárejege iye ekenligin úyreniw hám juwmaqlardı filial direktorına xabar beriw;

    – oqıw procesi, ilimiy-izertlew hám ilimiy-metodikalıq jumıslar jobalarınıń atqarılıwın analiz qılıw ;

    – bilimlendiriw procesi materiallıq-texnikalıq bazası jaǵdayın analiz qılıw, onı rawajlandırıw hám jetilistiriw boyınsha usınıslar beriw;

    – studentler ámeliyatınıń bilim baǵdarları hám qánigeliklerdi inabatqa alınǵan halda islengenligin jáne onıń nátiyjesin qadaǵalaw ;

    – mámleketlik inspektsiyasınıń tapsırmasına tiykarlanıp filial reytingin anıqlawǵa hám bahalawǵa tiyisli maǵlıwmatlardı toplawda, ótkeriletuǵın attestatsiya hám bilim sapasın úyreniw menen baylanıslı processlerde qatnasıw ;

    – studentler bilimin bahalaw procesin analiz qılıw tiykarında reyting ballarınıń qalıslıǵın, ashıqlıǵın hám sapa dárejesin bahalaw hám basqa bir qansha wazıypalar júkletilgen;

    – filialdaǵı social ortalıq, kadrlar tayarlaw hám tálim sapasın úyreniw maqsetinde turaqlı túrde student, ata-ana, professor -oqıtıwshı hám kadrlar qarıydarları ortasında socialllıq sorawlar ótkeriw;

    – filial reytingin xalıq aralıq dárejege kóteriwge qaratılǵan ilajlardı joqarı oqıw ornı administraciyası menen birgelikte islep shıǵıw jáne onı atqarılıwın támiyinlewde aktiv qatnasıw.

    F.I.O

    Lawazımı

    Telefon nomeri

    Elektron pochtası

    1

    Allanazarov Bayrambay Rustemovich

    bas qánige

    +998999558734

    allanazarov.br@mail.ru

    2020 -2021 oqıw jılı filialda oqıw rejeler hám isshi pán baǵdarlamaları filial keńesinde (2020 jıl 26 -avgusttaǵı 1-san protokol ) tastıyıqlandı. 1 hám 2 kurs oqıw rejelerinde belgilengen 30 atamadaǵı pánler ózbek hám qaraqalpaq tilinde oqıw -metodikalıq kompleksler menen támiyinlengen.

    Nawayı mámleketlik kánshilik institutınıń 2020 jıl 25-avgusttagi “Nókis filialında kafedra shólkemlestiriw” haqqındaǵı 1/332-san buyrıǵı hám filialdıń
    26 -avgust  6 -D/2 -san buyrıǵına tiykarılanıp “Tabiyiy hám ulıwmakásiplik pánler” kafedrası shólkemlestirilgen.

     Kafedranıń is rejesi filial keńesinde 2020 jıl 26 -avgust 1-san protokolı menen tastıyıqlanǵan. 2020 -2021 oqıw jılında kafedra júklemesi 12591 saattı qurap, 2020 -2021 oqıw jılı ushın tastıyıqlanǵan shtat kestesi boyınsha professor -oqıtıwshılar 11, 5 shtatta xızmet kórsetip atır. Házirgi waqıtta tiykarǵı shtatta 8 dana, ishki qosa islew 8 dana, sırtqı qosa islew 2 dana, saatbay tiykarında 5 dana professor -oqıtıwshı xızmet kórsetip atır. Usılardan ilim kandidati, dotsentler 6, ilimiy potencial 33. 3%, ortasha jas 41 jas. Professor -oqıtıwshılardıń 2020 -2021 oqıw jılı ushın jeke is rejeleri filial keńesinde 2020 jıl 29 -sentyabrdegi 2-san protokolı menen tastıyıqlanǵan, oqıw júklemelerine sáykesligi úyrenildi. “Tabiy hám ulıwmakásiplik pánler” kafedrası  2021-2022 oqıw jılında bilimlendiriw baǵdarlarında  qabıllaw rejesi boyınsha qosımsha 12 dana professor -oqıtıwshılarǵa mútájlik bar. Filial kafedrasına professor -oqıtıwshılardı qabıllaw “Pedagog xızmetkerlerdi tańlaw tiykarında jumısqa qabıllaw tártibi tuwrısındaǵı Qaǵıydanı tastıyıqlaw haqqında”gi Ózbekstan Respublikası ministrler Mákemesiniń 2006 jıl 10 fevral daǵı 20 -san Qararına tiykarlanıp ámelge asırıladı.

     Oqıw ádebiyatlarınıń jańa áwladın (qaraqalpaq tilinde) jaratıw rejesi boyınsha házirge shekem F. Xudoyberdievtiń – Основы химической технологии atlı oqıw qollanbası JOABM 04.05.2020 j. № 285-sanlı buyrıǵı, G. Dauletnazarovanıń  “Ózbekstan tariyxı” oqıw qollanbası JOABM  14. 08. 2020 j. № 418 san buyrıǵı, I. Kalandarovtıń “Avtomatlastırıw sistemalarınıń isenimliligi” JOABM 28. 12. 2020 j. № 676-sanlı buyrıǵı menen baspaǵa ruxsat berilgen. D. Jumamuratovtıń ”Geodeziya hám marksheyderlik isi” hám
    B. Shaniyazovtıń ”Geologiyadan inglizshe sózlık” atlı oqıw qillanbaları  Joqarı hám orta arnawlı bilimlendiriw Ministirliginiń muwapıqlastırıw keńesine belgilengen tártipte baspaǵa ruxsat alıw ushın berilgen. Filial keńesi qararı menen
    F. Xudoyberdievtiń “Qánigelikke kirisiw” atlı oqıw qollanbası, B. Allanazarovtıń “Sızıw geometriya páninen ámeliy tapsırmalrdı orınlaw” atlı oqıw -metodikalıq qollanbası U. Ernazarovtıń «Fizikadan laboratoriya jumısların orınlawǵa ko’rsetpeler» atlı oqıw -metodikalıq qóllanba, S. Tleumuratovtıń «Anıq integral» atlı oqıw -metodikalıq qóllanbaları baspada basıp shıǵarıldı hám paydalanıw ushın málimleme-resurs orayına tapsırılǵan. Sonıń menen birge, professor -oqıtıwshıları tárepinen ámeldegi oqıw jılında “Kánshilik isleri tiykarlari”, “Qáwipsizlik qaǵıydaları”, “Organikalıq ximiya ” oqıw ádebiyatları qaraqalpaq tiline awdarma islwengen. Sonıń menen birge, “English for mining institutes” oqıw-metodikalıq qollanbası tayarlanǵan.

     Filialda studentler bilmin qadaǵalaw hám bahalaw Ózbekstan Respublikası Joqarı hám orta arnawlı bilimlendiriw Ministirliginiń 2018 jıl 9 avgusttaǵı “Joqarı oqıw orınlarında studentler bilimin qadaǵalaw hám bahalaw haqqındaǵı Nızamdı tastıyıqlaw haqqında”ǵı 19 -2018-san buyrıǵı tiykarında ámelge asırıladı.