ФЕСТИВАЛЬ ИЛАЖЛАРЫ ДАЎАМ ЕТПЕКТЕ…

Бәршемизге белгили, Өзбекстан Республикасы Президентиниң 2021-жыл 10-апрельдеги «II халықаралық бақсышылық көркем өнери фестивалына таярлық көриў ҳәм бақсышылық көркем өнерин раўажландырыў ушын қолайлы шараятлар жаратыўға байланыслы  қосымша илажлар ҳаққында»ғы қарарына тийкарланып 17-20-сентябрь күнлери Нөкис қаласында II Халықаралық бақсышылық көркем өнери фестивалы болып өтпекте.

Нөкис қаласындағы Қарақалпақстан Республикасы И.В.Савицкий атындағы мәмлекетлик көркем өнер музейи әтирапындағы қыябанда мәмлекетимиздиң ҳәр бир  ўәлаятының өзине тән миллий үрп-әдет ҳәм дәстүрлери, тарийхый естелик орынларын көрсетиўши көргизбели  стендлери орнатылды. Бул жерде түрли сахналық көринислер, миллий қосықлар, ялла ҳәм лапарлар, дәстанлар айтылып, келиўшилер ушын байрам орталығы жаратылмақта.

Наўайы мәмлекетлик кәншилик институты Нөкис филиалы да усы қыябанда халқымыздың миллий үрп-әдет дәстүрлериниң үлгилери көрсетип келмекте. Сондай-ақ, филиалдың басшы-хызметкерлери, профессор-оқытыўшылар ҳәм студент-жаслары фестиваль илажларын тамашалап бармақта.

Фестиваль илажлары даўам етпекте…

Филиал Баспасөз хызмети.