ФИЛИАЛ ҲАЯЛ-ҚЫЗЛАРЫ ӨЗ-АРА БЕЛЛЕСТИ

Усы жылдың 14-июнь күни Наўайы мәмлекетлик кәншилик институты Нөкис филиалында филиал Ҳаял-қызлар мәселелери бойынша мәсләҳәт кеӊеси ҳәм филиал Кәсиплик аўқамы тәрепинен профессор-оқытыўшылар ҳәм филиал хызметкерлери ҳаял-қызлары арасында спорттың стол-тенниси түри бойынша жарыс шөлкемлестирилди.

Кескин беллесиўлерге бай өткен жарыс жуўмағында филиалдың кадрлар бөлими инспекторы Б.Дурымбетова 1-орынды, филиал юрисконсульти З.Аметова 2-орынды ҳәм Инглиз тили пәни оқытыўшысы Қ.Узақова 3-орынды ийеледи.

Жеңимпазлар шөлкемлестириўшилер тәрепинен саўғалар менен сыйлықланды.

Әлбетте, филиалымызда ҳаял-қызлар арасында спортты кеӊ ен жайдырыў, саламат турмыс тәризин қәлиплестириў бойынша бундай спорт илажлары турақлы түрде алып барылады…

Филиал Баспасөз хызмети.