ДОСЛЫҚ БИРГЕ ИСЛЕСИЎ – РАЎАЖЛАНЫЎҒА ТИЙКАР

Хабарыңыз бар, усы жылдың 10-11-июнь күнлери Өзбекстан Республикасы Президенти Шавкат Мирзиёев Тәжикстан Республикасында рәсмий сапар менен болды.

Онда мәмлекет басшылары Өзбекстан ҳәм Тәжикстанның стратегиялық шериклиги және көп қырлы бирге ислесиўиниң барлық тәреплерин көрип шықты, сиясий сөйлесиўди және де беккемлеў, саўда-экономикалық ҳәм инвестициялық бирге ислесиўди раўажландырыў, мәдений-гуманитарлық байланысларды кеңейтиўге айрықша итибар қаратты. Сондай-ақ, орайлық Азияда қәўипсизлик, турақлылық ҳәм избе-из раўажланыўды тәмийинлеў, халықаралық және регионаллық структуралар шеңберинде бирге ислесиў мәселелери бойынша пикир алысты.

Усы жылдың 12-июнь күни Наўайы мәмлекетлик кәншилик институты Нөкис филиалында ҳүрметли Президентимиздиң бул рәсмий сапары даўамында ҳәр түрли тараўларда әмелге асырылатуғын перспективалы шәртнамалар бойынша ҳәм оны  бул кең жәмийетшиликке жеткериў мақсетинде илаж шөлкемлестирилди.

Илажды филиал директоры А.Каипбергенов басқарып барды.

Онда филиалдың Жаслар мәселелери ҳәм руўхый-ағартыўшылық ислер бойынша директор орынбасары К.Юсупов филиал профессор-оқытыўшылары ҳәм студент-жасларына Президентимиздиң бул рәсмий сапары ҳәм онда әмелге асырылған жумыслар бойынша кең түрде түсиник берип өтти.