ЖАҢА ӨЗБЕКСТАН ЖАСЛАРЫ, БИРЛЕСЕЙИК!

Өзбекстан Республикасы Министрлер Кабинетиниң 2021-жыл 20-май күнги “Өзбекстан Республикасы ғәрезсизлигиниң отыз жыллығы  мүнәсибети менен “Жаңа Өзбекстан жаслары, бирлесейик!” ураны астында жаслар айлығын шөлкемлестириў ҳәм өткериў ҳаққында”ғы 87-жыйналыс баянламасына тийкар “Жаңа Өзбекстан жаслары,  бирлесейик!” ураны астында жаслар фестивалын ѳткериў белгилеп алынды.

Жасларды физикалық жақтан  саламат,  руўхый жетик инсанлар етип тәрбиялаў,  илимий ҳәм дөретиўшилик потенциалын жүзеге шығарыўға  көмеклесиў,  ҳуқықлары,  еркинликлери ҳәм нызамлы мәплерин нәтийжели қорғаў, сондай-ақ, мәмлекетте әмелге асырылып атырылған демократиялық,  социал ҳәм экономикалық реформаларға белсене қатнасаыўын тәмийинлеў

мақсетинде шөлкемлестирилип атырылған фестиваль республикамыздың барлық аймақларындағы жасларды өзине тартты.

Фестивалдың ең қызғын  демлери  8-июнь күни Нөкис қаласындағы Қарақалпақстан Республикасы И.В.Савицкий атындағы мәмлекетлик кѳркем ѳнер музейи алдында  “Жаңа Өзбекстан жаслары,  бирлесейик! ” ураны астында жаслар фестивалының ашылыў мәресими әжайып концерт  бағдарламасы  менен старт алды.

Қарақалпақстан Республикасы И.В.Савицкий атындағы мәмлекетлик көркем өнер музейи алдында “Жаслар сейили” өзгеше байрамға сай гөззаллық пенен,  жасларға сай түрли илажлар менен даўам етпекте.

Бул әжайып фестивалға Наўайы мәмлекетлик кәншилик институты Нөкис филиалының студент-жаслары да белсене қатнасып келмекте.

Бүгинги шөлкемлестирилип атырған волейбол, мини-футбол, веломарафон спорт жарысларында өзлериниң шаққанлығы менен қатар теңлеслери қатарларында ажыралып турды.

Фестиваль даўам етпекте…

 

НМКИ Нөкис филиалы Баспасөз хызмети.