KITAP JAŃALIǴI

Jaqında Nawayí   mámleketlik  kanshilik instituti Nókis  filialinıń oqıtıwshıları Tleumuratov S.J., Ibraymov I.E. hám Saliev I.B. avtorlıǵında tayarlanǵan «Joqarı matematika» (Kompleks analiz bólimi)  atlı metodikalıq qollanbası baspadan shıqtı.

Metodikalıq qollanba  joqarı matematika páninıń kompleks analiz bólimine

sáykes dúzilgen bolıp, onda tiykarǵı teoriyalıq materiallar qısqartılǵan túrde keltirilgen. Kópshilik tastıyıqlawlar (teoremalar) dálillewsiz keltirilgen. Tiykarǵı teoriyalıq materiallar paragraflarǵa bólingen bolıp, olardıń sheshiliwi hám ózbetinshe sheshiw ushın mısallar keltirilgen.

Kompleks analiz  matematikanıń tiykarǵı bólimleriniń biri bolıp esaplanadı. Bunda kompleks ózgeriwshili funkciyalardıń qásiyetleri hám olardıń qollanıwları keltirilgen. Metodikalıq  qollanbanıń baslı wazıypası usı pánniń tiykarǵı túsinikleri, tastıyıqlawları hám basqada matematikalıq maǵlıwmatlar jıyındısı menen tanıstırıwdan ibarat bolmastan, studentlerdi logikalıq pikirlewge, matematikalıq usıllardı ámeliy máselelerdi sheshiwge qollanıwın úyretiwdi óz ishine aladı.

Bul qollanba Nawayí   mámleketlik  kanshilik instituti Nókis  filialında oqıp bilim alıp atırǵan kanshilik isi, texnologiyalıq processler hám islep shıǵarıwdı avtomatlastırıw hám basqarıw, ximiyalıq texnologiya hám mashinasazlıq texnologiyası, islep shıǵarıwdı támiyinlew hám avtomatlastırıw tálim baǵdarları  birinshi hám ekinshi kurs studentlerine arnalǵan.

Biz de óz gezeginde kitap avtorların qutlıqlap, aldaǵı ilimiy-dóretiwshilik jumıslarına tabıslar tilep qalamız.

Filial Baspasóz xızmeti.