KITAPQUMARLIQ MÁDENIYATI JETISTIRILMEKTE

Kitap insan kamalı ushın, onıń ishki dúnyasinıń rawajlanıwı, oy-pikirinıń qáliplesiwi, aqıl-sanasınıń ósiwi ushın eń biyminnet járdemshi  hám de úlken ustaz esaplanadi. Kitap kóp oqiǵan insán basqalardan keń oy-pikirliligi, gózzal kóz qarası menen ajıralıp  turadı.  «Jaslıqta alınǵan bilim, tasqa oyılǵan  naǵis siyaqlı», degenindey kitap oqıwdı qansha erte baslasaq ómir jolımızda  paydasi tiyse tiyedi de hasla zıyan  etpeydi.

Nawayı mámleketlik kánshilik  instituti Nókis  filiali Málimleme-resurs orayında studentler ushın bárshe kerekli oqıw qollanbalar, kitaplar jetkilikli bolıp, kórkem ádebiyatlar 110, ilimiy hám ulıwmalıq ádebiyatlar 150 basqa túrdegi ádebiyatlar sani 125 ti quraydi. Oqıw rejesindegi qánigelesken yáki tarawlıq pánler dástúrindegi tiykarǵı ádebiyatlar 3352, jámi oqıw ádebiyatlar sanı 3801dı quraydı. Nawayı mámleketlik kánshilik instituti kıtapxanasınan kelgen 100 dana, jańadan keltirilgen  kıtaplar 60 dana,elektron ádebiyatlar 1000 ńi internet tarmaǵına jaylastırılg’an . Jetispeytuǵın hám jańa áwlad oqıw ádebiyatların(qaraqalpaq tilinde) jaratıw rejesiniń házirgeshe 45% ti orınlanıwı támiynlengen, qalǵan bólimin oqıw jılının’ aqırına tayarlaw hám baspadan shıg’arıw ilájları kórilmekte.

Filial student jaslarının’ ádebiyatlardan únemli paydalanıwı ushın  sırt el oqıw hám ilimiy ádebiyatlar dizimın qáliplestiriw isleri tayansh joqarı oqıw ornı menen sheriklikte tiyisli bakalavriat tálim baǵdarları hám magistratura qániygeliklerinıń oqıw rejelerine kiritilgen pánler boyınsha basqıshpa-basqısh ámelge asırıladi. Filialda sırt el oqıw hám ilimiy ádebiyatlar dizimin qáliplestiriw boyınsha direktor basshılıǵında komissiya dúzilgen. Komissiya quramına jergilikli  hám sırt ellik sherik shólkemlerdiń wákilleri hám de tu’rles)joqarı oqıw orınları qánigeleri kiritildi.

Ádebiyatlardiń elektron kórinisindegi (1000túrdegi)paydalanıwdı jolǵa qoyıw máqsetinde málimleme -resurs orayın internet tarmaǵına baylanıstırılǵan hámde filial aymaǵı sımsız (wi-fi)internet tarmaǵı menen qamtıp alınǵan,5 kompyuter ,1dana printer ,1 skaner ,1 Wi-Fi router xizmet kórsetpekte. NKMK elektron kıtapxanasına http://kitob.ngmk.uz/index.php sayti arqalı 500 000 nan artıq elektron kıtaplardı alıp oqıw imkaniyati jaratılǵan. Sonday-aq ,filial kitapxanasınıń http://t.me/ndkinfkitapxana telegramm kanalında 1000 nan ziyat kitaplardan paydalanıw múmkin. Usı jıldıń fevral ayında instituttıń óziniń byudjet esabınan 130 jetispeytuǵın oqıw qollanba kıtaları alıp  kelingen. Nawayı Mámleketlik kánshilik instituti Nókis filialında jámi 196 student  tálim almaqta. Kitapxanaǵa bır kúnde ortasha 20-30 oqıwshı kıtaplardan, 15-20 sı kompyuterden slayd hám de  prezintatsiya, tapsırmalardı islewde paydalanadı. Kıtapxana kıtapxanashısı Uzakova Gúlsara institut filialı ashılǵalı, yaǵnıy 2 jıldan berli usı jerde islep kelmekte. Oqıwshılardıń izlegen kerekli kitap hám maǵlıwmatların óz waqtında tawıp oqıp paydalanıwında  kıtapxanashılardıń ornı ayrıqsha. Oqıwshılar Gúlsara apanıń jumısınan kewilleri toq hám de óz minnetdarshılıǵın bildiredi. Gúlsara apanı  ótken 21-may Kıtapxanashılar kúnı menen shın kewilimizden qutlıqlaymız. Oqıwshılarǵa óz kómegin beriwden sharshamawın tilep qalamız.  Tek ǵana studentlik dáwirde emes bálki ómir boyı bos waqıtımızda kıtap oqıwdan erinbewimiz kerek. Sebebi,kıtap hár qanday adamdı hár qanday jaǵdaydan shıǵıwına psixologiyalıq,aqılıy jaqtan shıǵıp ketiwine tásiri júdá úlken esaplanadı.

Aziza KEWLIMJAEVA,

QMU ámeliyatshısı.