ФИЛИАЛ 1-КУРС СТУДЕНТЛЕРИ АРАСЫНДА «ЕҢ БЕЛСЕНДИ КИТАПҚУМАР ТОПАР» РУЎХЫЙ АҒАРТЫЎШЫЛЫҚ ТАҢЛАЎЫ

Таңлаўды өткериў бойынша қатнасыўшыларға қойылатуғын талаплар ҳәм баҳалаў критериялары

1.Таңлаў топарлар арасында өткериледи. Январь айының 25-сәнеси күни филиалымыз мәжлислер залында өткериледи.
1.1. Команда қурамы 8-10 қатнасыўшылардан (имканияттан келип шығып қурамы өзгертирилиўи мүмкин.) ибарат болыўы тийис.
2.Таңлаўға қатнасатуғын командалар өзбек, қарақалпақ ҳәм жәҳән көркем әдебий китаплардың бирин таңлайды ҳәм сол шығарма менен төмендегише таңлаўға қатнасады:
-Шығарма авторы ҳаққында қысқаша мағлыўмат бериў- 5 баллға шекем;
-Команда ағзалары тәрепинен шығармадан үзиндилерди көркемлеп оқып бериў яки монолог айтып бериў- 7 баллға шекем;
-«Не ушын усы китапты оқыўды усыныс етемен….» мазмунында китап ҳаққында қысқаша түсиник бериў (шеберлик пенен) -8 баллға шекем;
-Шығармадан үзинди 10 минутлық сахна көринисин көрсетиў – 10 баллға шекем;
-Командалар тәрепинен жоқарыдағыларды атқарыў даўамында ИКТдан, тийисли сүўретлер, видеоролик, музыкалардан ҳәм қосымша реквизитлерден пайдаланғанлығы дәрежесине- 10 баллға шекем;
-Топар ағзаларының кийиниў мәденияты, өзин тутуыўы ҳәм ораторлық қәбилетине – 10 баллға шекем;
-Топарлардың биргеликте ислесиў көнликпелериниң қалиплескенлиги -10 баллға шекем;
3.Таңлаўға қатнастуғын командалардың шығыўлары ушын улыўма 30 минуттан ўақыт бериледи жәми 50 балл. Белгиленген ўақыттан өтип кеткен командадан 5 балл жәрийма есабында алынады.
4.Таңлаўға төрешилер тәрепинен қойылған балл тийкарында 1-2-3 орынларды ийелеген командалар «Ең жақсы китапқумар топары» деп табылады ҳәм жеңимпаз есапланады, сондай-ақ белсене қатнасқан командалар ағзалары ушын қосымша номинациялар белгиленген.
Еслетпе: Таңлаўға топарлардың белсене қатнасыўын тәмийинлеўге топар басшылары тиккелей жуўапкер.

Тийкары: Өзбекстан Республикасы Жоқары ҳәм орта арнаўлы билимлендириў министрлигиниң 2019-жылы 22-май күнги 450-санлы буйрығы менен тастыйықланған режеси.