БИР ЗИЯЛЫ – БИР МӘҲӘЛЛЕГЕ МӘНӘЎИЙ ҚƏЎЕНДЕР

Наўайы мәмлекетлик кəншилик институты Нөкис филиалы профессор-оқытыўшылары С.Тлеумуратов ҳəм И.Ибраймовлар “Бир зиялы- бир мәҳәллеге мәнәўий қəўендер” жойбары тийкарында филиалға аталыққа бириктирилген Тақыятас районындағы «Шамшырақ» мәкән пуқаралар жыйынында болып, ушырасиў шөлкемлестирилди.

Ушырасыўда мәкән пуқаралар жыйыны ақсақалы Ж.Абдирасулиев ҳәм филиалдың профессор-оқытыўшылары аймақ турғынлары менен ушырасып, олардың машқалалары тыңланды.

Бүгинги күнде аймақта 6072 адам жасап келмекте. Олар арасынан «темир дәптер»ге 8 адам, «ҳаяллар дәптери»не 69 ҳаяллар, «жаслар дәптери»не 74 жаслар киргизилген.

Филиал профессор-оқытыўшылары аймақтағы жәрдемге мүтәж шаңарақ ағзаларына жәрдемлер көрсетип барыў ҳәм келешекте олардың машқалаларын турақлы үйренип барыў бойынша өз-ара бирге ислесиўлерди жолға қойыўды келисип алды.

Филиал Баспасөз хызмети.